رئيس التحرير: صلاح العلاج ملك شركة دي أن أيه الكويتية للتجارة العامة

محمد خلف الشمري يكتب | شركة حسدكو شغالة عدل !

Feb 22 2019
3935
 0

صوت موسيقي واطي ( لا يروح بالكم بعيد ) اوي اوي  بأغنية صادره من جهاز الخبير سمعه المعاق الذي قال : اليوم سعادة الخبير ماهو معانا اشوفه يتمايل من الطرب ؟.
الخبير : أبدا ده واتساب باعتهولي الواد جنش ابن حتتي وهو أغنية للمطرب على الحجار بعنوان إحنا شعب وإنتو شعب !.
الرجل : إحنا شعب وإنتو شعب ياليتك تكمل كلماتها يا سعادتوه بس وحياة والدك بدون دندنه !.
الخبير : ماشي الكلمات بتقول إحنا شعب وإنتو شعب واللى هز القلب منا عمره ماهزلكو قلب رغم إن الرب واحد.. لينا رب وليكو رب .. وهي أطول من ذلك بس نعمل ايه المساحة المتاحة لي محدودة !.. وعلى فكرة الاغنية دي أثارت موجة انتقادات على مواقع التواصل الاجتماعي تتهمها بالدعوة إلى الانقسام بين أبناء الشعب الواحد !.
الشايب : يا سبحان الله مقدمة هالاغنية إحنا شعب وإنتو شعب  تنطبق على وضعنا بالكويت هاليومين بعد ان انقسم الشعب قسمين ناس تؤيد إسقاط القروض وناس ضدها !.. والله مسكين هذا الشعب الكل متحامل عليه حكومه ونواب واعلام وتجار ( أحمدك يارب ) !.. وكل يوم يطلعلك واحد بتصريح غير شكل مره واحد يقول ان الإصلاح يتطلب مس جيب المواطن فعلا يالحبيب إحنا شعب وإنتو شعب  !.. وثاني يصرح بان إسقاط القروض كارثة اخلاقية !.. وثالث يقهرك معاشه حوالي ١٥ الف دينار ( اللهم لا حسد ) إسقاط القروض يفتقد لمبدأ العدالة والمساواة وآثارها على الاقتصاد سلبية !.. ورابع هارب ( هات اللي عليك ) باموال متقاعدين الشعب يصرح من بعيد بان إسقاط القروض ليس فيه عدالة وظلم للمواطنيين ويتسبب بعجز اكتواري مستقبلا للدولة !.. ووزير سابق شبعان يقولك ان تم اسقاط القروض سيتأثر الاقتصاد وراح تخيس حلوجنا ( كل علج ) !.. واييييييه على رأي الكواي اسطه شعبان إحنا شعب وإنتو شعب  . والله ياجماعة الخير عندنا بالكويت حسد يغطي الكورة الارضيّة !.
الشاب : شركة حسدكو شغالة عدل ؟!.. معقولة دولة غنية بالنفط وشعبها يعاني ؟.. الظاهر ان الجماعة ما شافو مناشدات الناس لاصحاب الايادي البيضاء داخل الكويت وخارجها طلبا للمساعدة !.. وباين على الجماعة انهم مايقرون جرايد لانهم لو يقرون جان شافو الصفحة الأولي من احد الجرايد وهي معنونة بالاتي " 400 الف كويتي متضرر من القروض "   وبالختام كلنا بصوت واحد إحنا شعب وإنتو شعب !.
المتمولس : السبب الحقيقي لظهور الكرش هو اللقمة الأخيرة ! .. المعدة تصرخ لا مكان !.. والعقل يقول : وقفت على هالصغيرة ؟.. والقلب يهمس : حرام ترمي النعمة !.. وضميري يقول : انت دافع فلوس ! .. وفي هذه الاثناء رفع على مسامعنا الشيخ زغلول اذان الظهر .
 


أضف تعليق