رئيس التحرير: صلاح العلاج ملك شركة دي أن أيه الكويتية للتجارة العامة

محمد خلف الشمري يكتب| يا سعادته هل يرضيك ذلك؟

Jun 19 2019
12108
 0

شفتوا المقطع الأخير اللي أرسلته لكم بالواتساب ياشباب قالها المعاق واخص بالذكر المادة الفلمية المستقطعة من حفل تخرج لعدد من طلبة الثانوية العامة في الكويت !.. ‏ " فرْحَة التفوّق الدراسي لا تُعادِلُها أي فرْحة مهْما حاوَلَ البعض سَلْب هذه الفَرحة " من أقوالي الخالدة بتويتر ما ادري وشجاب طاريها ؟ .

الخبير : الزمن بقا وحش ياخويا !.. جرا لكم ايه ياشباب ؟.. بصراحة بربنا حاجة تكسف والنبى !.. الحال ياخويا ياسعادة الوزير بيه بقى ما ينسكتش عليه !.. حتما ولابد ان حضرتك تفتح محاضر بالتجاوزات دي يا اخويا اللي مالهاش لزم !.

الشايب : سود الله وجيهم هذي هي أخرت علام هاليومين !.. واكيد كل العادة الموضوع مر مرور الكرام على المسؤولين بوزارة التربية الله يلطف بحالهم !.. والشي بالشئ يذكر لابد من الانتباه لهذي الحفلات لانها ماسخه مالها لا طعم ولا لون ماغير الاصراف !.

الرجل : ‏رقص ودبك وهوسات الله لايبلانا مثل مابلاهم !.. هذا بدل ما ينصحهم واحد عنده عقل بكيفية الاستغناء عن إقامة الحفل وتوجيه الفلوس الي عمل خيري ينكتب بميزان أعمالهم ينفعهم باخرتهم ؟.. ما أقول الا الله يذكر حفلات التخرج القديمة بالخير لانها كانت مبسطة وتحت رعاية وحدة من الشخصيات اللي تتكفل بالتكاليف .

الشاب : قول للزمان ارجع ثاني يازمان !.. ياجماعة الخير الحفلة اللي ماهي أعجبتكم ترا هي موضة اليوم !.. والمدرسة اللي ماتمشي مع هذا التيار مدرسة التخلف ضارب اطنابه فيها !..علشان جذي يا جماعة الخير تقصيت وبحثت وسالت عن هذا الموضوع وإذا بي أنصدم من هول المفاجاة !.. يقولون ان بعض مدارس وزارة التربية تطلب من خريجاتها بالثانوية ( تحت تصرف الست الابلة الناظرة ) دفع تكاليف حفل التخرج والاسعار تبدأ من تسعين دينار وانت طالع ( القمر ) بالعربي يفرحونهم من حسابهم !.. وبفلوس التخرج يحجزون مذيع او اثنين وبالفور سيزن هوتيل ( من غلوه اشرب قهوة ساده واهرب ) !.. هذا غير مطرب يشيل للمدرسة شيله ومرات المتعهد يغشهم ويدمج مدرستين مع بعض !.. وبعد قبل ما أنسى اي طالبة تبي زود تذاكر عن الثلاث المقررة يدفعون من خمسمائة خمسة عشر دينار للحضور .

المعاق : والطالبات وش يتعلمون غير الاسراف والمباهاة بينهم ؟.. هذا غير كسر انفس بعض الطالبات اليتيمات والفقيرات منهن !.. من باب أولي كان من المفروض مثل ما قال عمي الشايب تعليم الطالبات معنى الإيداع في بنك الاخر والمسارعة في في غرس حاجه تفيدهم بالآخرة وهذا ولي ولكم التوفيق ودمتم سالمين .

المتمولس : الحين الطيارة اذا حلقت تحلق بموس والا بمكينة ؟.. وفي هذه الاثناء رفع على مسامعنا الشيخ زغلول اذان الظهر .


أضف تعليق