رئيس التحرير: صلاح العلاج ملك شركة دي أن أيه الكويتية للتجارة العامة

محمد خلف الشمري يكتب| إن كان المتكلم .... فالمستمع عاقل !.

Aug 01 2019
6334
 0

فتح عينه على الاخر ودلدل بقه الخبير ثم قال بصوت مضطرب يا نهار أخضر كل ده !.. سمع هووس بيقولك الخبر "استعدادا لموسم الأمطار المقبل وحرصاً على عدم تكرار الأزمة ( انت عبيط يله ) التي شهدتها البلاد خلال فصل الشتاء الماضي .. ترأست وزارة الأشغال العامة اجتماعاً تنسيقياً شاركت فيه 15 جهة حكومية (واسعة على الاخر) ذات صلة لتوحيد الجهود ".
الشايب : 15 جهة حكومية ( قوية ودي ما شاء الله عليكم عرفتوها ) مرة واحدة نسمع ونسلم !.. العام استعدادات وزارة الأشغال بروحها دمرت البنية التحتية اللي سوتها الدولة على مدى خمسين سنة بمطرت يوم واحد !.. بالله ما تقولون لي الخمسطعش جهة حكومية (يبيلها صف يجمعهم مو غرفة اجتماعات ) اشلون راح يتفاهمون والا السالفة تنفيع على حساب الوطن ؟.. يا جماعة احترموا عقولنا لا هنتوا ولا هان راعيج .
المعاق : خلك متفائل ياحجي الجماعة تعلموا من الدرس وانا متاكد انه ما راح يتكرر وغدا لناظره لقريب .
الشاب : انت حيل متفائل يابن الحلال مشكلة العام للحين لنا عشر أشهر نسمع عن شغل ( دبى يا حليمه دب يا قراد ) وزارة الأشغال وشركاتها المزكاة من لدنها وما شفنا إلا كم متر منجز للأسف بطول الكويت وعرضها
الرجل : الحل عندي وهو يتمثل بمقاطعة صلوات الاستسغاء ( يالله انك لا تؤاخذني ) عند طلب وزارة الأوقاف لان اللي جرى راح يتكرر بكل سنه دام الطواقم هي نفسها اللي مستلمته المشاريع !.
الشايب : مقيوله من زمان من أمن العقوبة اساء الأدب والتجارة !.. يا عيال الحلال مالنا الا الدعاء وبس مدام ( صلفه ) مافيه محاسبة او تحمل مسؤولية من الكل عند التقصير.
المتمولس : ابحث عن زوجة تتحمل الفقر والجوع والعطش والبرد والحر والايام الشاقه تهقون وين القاها ؟.. الشايب انا اعطيك إياها من الاخر شفلك ناقه !.. وفي هذه الاثناء رفع على مسامعنا الشيخ زغلول اذان الظهر .


أضف تعليق