رئيس التحرير: صلاح العلاج ملك شركة دي أن أيه الكويتية للتجارة العامة

محمد خلف الشمري يكتب |( سراق الزيت ) و الغاز ؟

Aug 22 2019
9343
 0

الخبير : هات عنيك تسرح في دنيتهم عنيا .. هات ايديك ترتاح للمستهم ايديا .. وكورال الديوانية يردد عليه يا حبيبي تعالى وكفاية اللي فاتنا هو اللي فاتنا يا حبيب الروح شوية .. اللي شفته قبل ما تشوفك عنيه عمر ضايع يحسبوه إزاي عليّ .. وفي هذه الاثناء دخل الرجل عليهم الديوانية وقال : وراء قهوتكم تطبخ ياحجي ؟.. اترك عنك الغناوى وجابل قهوتك اللي تطبخ ( ابعدها عن النار ) ياعيب الشووم !.
الشايب : القهوة اللي تشمها مصدرها من داخل البيت !.
المعاق : احمد ربك انك شميت قهوه حنا من اليوم لعبه فينا ريحت الطبخ وخصوصا البصل !.. وعلى هذا الأساس بخرنا الديوانية ويمكن غناوينا من اثر البخور ؟! . 
الرجل : افا يا ذا العلم الظاهر أنكم صرتو رجال مويضي ( سمعتها جذي ولا اعرف وش قصتهم ) تاركين الديوانية ومتقابلين بالمطبخ ؟!. 
الشايب : انا فدا ذا اللحية انك ترفعنا عن مسمى ( واخزياه ) رجال مويضي !.. السالفة من الاخر الصراصير ( الزهيويه ) لعبة بحسبت مطبخنا !.. شى يطّلع من الطوفه وشى من الباب وشى من الارضيّة !.. وعلى اثر ذلك قشرنا طوفه وأرضيته وقرطنا نفتح قوس اي حذفنا نسكر القوس الباب !.. الامر الذى دعى اهل البيت يطبخون بالغرفة القريبة من الديوان ومنها تفوح الارياح بكل البيت .
الرجل : خلاص مسمى رجال مويضي تنزل المره دي !.. والله يكون بعونكم ويجبر مصيبتكم ليتك ياحجي سألنا قبل لا تهدمون المطبخ يمكن نخدم ؟!.. العله ومافيها يالربع بسلندرات ( بطل ) الغاز الوسخ اللي يدخل ببيوتنا لانه هو مرتع طيب الريحه لنقل الصراصير وبيضها ( سراق الزيت عند اهل المغرب ) من بيت الي بيت !.. الامر اللي خلانى انا بنفسي اروح اجيب الغاز من مقره بالجمعية واحرص كل الحرص على اختيار السلندر النظيف !.. وبعد ما أجيبه أفرك رمته فراك بالغسيل قبل دخوله للبيت والمطبخ بالتحديد ولله الحمد ارتحنا من الزهيويات ومشاكلها .
الشاب : بعد ضحكه طويلة حلوه سراق الزيت يابو الرجال !.. هذا المفروض دور الشركة المنتجة للغاز لانها هي المسؤولة عنه !.. وكان من المفروض بعد ما ارفعوا سعره من نصف دينار الي ثلاث ارباع انهم يجيبون مكينة تنظيف له حتى يرجع يبرق برق .
الخبير : ده هو المفروض فى ظل عجز ( عيب اوي بدولة غنية ) وقلت حيلة الحكومة بتوصيله للمنازل پمواسير ( ليه لا ؟ ) زي الدول المتقدمة بامريكا واوروبا وبعض الدول الافريقية .
المتمولس : حكمة اليوم " اجعل فى حياتك حفرة صغيرونه تدفن فيها اخطاء أحبابك !.. وان زادت أخطاءهم كبر الحفرة وادفنهم هم وأخطاءهم لا بارك الله فيهم ( عصب الحكيم ) !.. وفى هذه الاثناء رفع على مسامعنا الشيخ زغلول اذان الظهر .


أضف تعليق