رئيس التحرير: صلاح العلاج ملك شركة دي أن أيه الكويتية للتجارة العامة

أحمد خميس يكتب | بوخميس ينظيم رحلة للمريخ 

Nov 08 2019
13102
 0

بنظم رحلة للمريخ منو يبي يروح معاي ترى الوضع هناك اوك سهود ومهود  وكل شي على راحتك لا مخفر ولا شرطة ولا حتى ناس بس راح تعيش مرتاح لا طالب ولا مطلوب ولا شيعة ولا سنة ولا حضر ولا بدو ولا چعيبرية ولا بيسرية ولا مزدوجين ولا عبيد ولا حتى  ذبان ياذيك ويوقف على خشمك وانت نايم.
ولا ضوابط ومحد يقولك لا تتكلم لان اساسا انت بتكون كله ساكت لانك بروحك  الا اذا ينيت وقمت تحاجي نفسك واذكركم مافي موارد طبيعية ولا بنوك ربوية ومحد يقولك بدون لانك بتكون هناك  بدون سواء كان عندك جنسية او ما في.
وهم هناك ماكو فيزا بفلوس ياخذها الكفيل وبعدين يطلع بالسوشل ميديا يقول كلونا الوافدين  وهناك مافي لاهجرة ولا جوازات ولا محكمة ولا عدل المهم لازم لما تهاجر  وتحط في بالك انك بتفنقش وتموت اول ما تدخل الغلاف الجوي مال المريخ د.

ورأيي خلك بديرتك وتحمل الضيم ولا تروح مكان مو مكانك وكلمن يستعبدك حتى المخلوقات الفضائية.
عاد تخيل وانت تشتغل عند مخلوق فضائي جنه سايق توه يايبينه  حتى ليسن ما عنده وما يعرف عربي تخيل المخلوق اافضائي يناديك وانت مو فاهم انت وحنجك العوي. 
ياجماعه منو يبي يروح


أضف تعليق